2011年6月29日  星期三  農曆  五月廿八

Eason讚霆鋒剖白婚變好型

[2011-06-29]

    陳奕迅(Eason)昨日出席電影《功夫熊貓2》宣傳活動。即將啟程往馬來西亞宣傳8月吉隆坡演唱會的他表示,很久沒跟在當地拍戲的謝霆鋒碰面,兩人亦甚少傾家事,並笑言:「我想去當地食好嘢,無想過探望他,他要拍戲唔想阻佢,他一向不愛說話,畀空間佢哋兩個處理呢件事。」
    談到《功2》片教人心平氣和,會否介紹霆鋒與栢芝欣賞?Eason說:「霆鋒一向都幾心平氣和。(送戲票給栢芝帶兩子睇首映?)唔好啦!佢自己買飛睇啦!現身首映又要被追訪,好慘㗎!我明明係主角,擔心焦點變咗佢哋。」追問會否擔心鋒芝兩名兒子受婚變影響?Eason坦言這是他人的家事。
    Eason與霆鋒識於微時,友情深厚,但其女兒甚少與霆鋒的兒子一起玩。問到霆鋒是否一個好爸爸、好丈夫?Eason說:「我無乜見佢同栢芝一家人相處,因為我自己都好忙,我反而會反思自己是否一個好爸爸,但會盡力去做好啲,剛剛同個女去溜冰好開心,我倒後行,阿女話我勁。」
    此外,Eason又盛讚霆鋒日前在北京剖白婚變時的打扮幾整齊、幾有型,他笑言:「霆鋒竟然有換衫,佢一向好少換衫,有一排只着中山裝同拖鞋,4個頒獎禮都着同一件衫,個頭黐立立,北京那天個頭乾爽咗。」


文、圖:張穎芝

更多»

都市網推薦新聞