2012年12月25日  星期二  農曆  十一月十三

下戰書鬧爆王征秋生:佢識亞視歷史,我切個頭!

[2012-12-25]


亞視4名藝人缺席演藝訓練課程而被解僱,曾力亞視的藝人歐錦棠、陳煒及張文慈均鬧爆亞視,「時事判官」黃秋生前晚亦以前亞視演員訓練班學生身分寸爆亞視,他說:「亞視邊有55年(歷史)呀?佢都黐筋。」秋生還建議被辭退的員工向勞工處控告亞視。


文、圖:娛樂組


由黃秋生和梁祖堯主演的舞台劇《極地情聖》,在演藝學院一共演出17場,前晚圓滿結束,謝天華、周麗淇、謝安琪與張繼聰夫婦等都現身捧場。
秋生表示完成舞台劇演出後,感到有少許落寞,但將會繼續跟梁祖堯的劇團和王菀之合作。梁祖堯亦向秋生大送高帽,稱他為「舞台老爺」。秋生則表示演出舞台劇如每年清洗一次心靈。
曾是83年亞視演員訓練班學員的秋生,被問到知否近日亞視炒員工的新聞,他即搶說:「燒呀?」當記者告知亞視要求旗下藝人參與藝員訓練班,內容包括亞視55年的發史,他說:「咁即係藝員唔掂啦!亞視邊有55年呀?佢都黐筋,我入行亞視先第一年,仲有廿年去邊!」


「去勞工處告佢!」


提到有藝人缺席訓練班而被炒魷?秋生寸爆說:「合約有無寫明要上堂先?無就去勞工處告佢囉,就好似請我做秘書,無端端叫我上性教育課,你話得唔得先!」他續說:「不如上埋政治課呀笨!講亞視係馬克思開的,副台長係恩格斯。」
問到會否覺得亞視高層的行為「騎呢」?秋生說:「我唔會用『騎呢』呢兩個字,會用有趣同娛樂性來形容。」他隨即手舞足蹈扮跳騎馬舞,令全場爆笑。提到亞視發聲明表示歡迎所有同行到藝訓班旁聽交流指導,秋生又搞笑地說:「邊個教呀?(亞視高層王征是其中一位導師。)佢如果識幾十年的電視史,我切個頭畀佢坐!高亮(已故藝人高亮,乃麗的呼聲和麗的電視時代藝人,1956年加入邵氏成為邵氏首部粵語片男主角。)都唔識啦!」

更多»

都市網推薦新聞