2013年10月26日  星期六  農曆  九月廿二
首頁 > 娛樂 >
即時新聞

撐王維基開台提高全行人工 盧海鵬:無綫搞新政聽住先

[2013-10-26]

  盧海鵬(鵬哥)昨日為兩款維特健靈健康食品拍攝平面廣告,當中以不同造型拍攝,分別有後生、成熟、籃球、單車、過山車及侍應Look。鵬哥笑言造型上沒有給予意見,任由廣告商話事。

文、圖:鄺幸瑜

鵬哥對於曾志偉辭去演藝人協會會長一職,表示看電視得知消息,但他並沒有加入該會,只有參加了TVB藝訓舊生會。
另外,提到梁乃鵬揚言TVB建立大家庭文化會規定工作時間,鵬哥說:「當初拍,夠話唔使捱夜,整整下又係夜,拍起上來決策又唔同呢,班導演拍到神晒經,不嬲都係咁,聽住先啦!」


「急嘅又唔畀牌」


對於會否支持發牌給予香港電視,他表示一向支持,坦言愈多愈好,又指王維基當初決定開台,就令全行的人工提高。他又指,雖然為香港電視完成拍攝《開腦神探》,但不擔心未獲發牌而影響播映。他說:「有時拍電影同無劇都唔出啦!都收晒人工啦!(香港電視人工高嗎?)又唔係話好唔好,幫吓手玩吓囉!我工作時有8小時規定,開工有車接送,全部都遵守。(會否擔心不獲發牌,變成無競爭?)驚咩?我又唔係撈電視,好多人都出返,都唔知點算?」他又指獲得發牌的有線同now,也要一、兩年時間籌備,他更說:「急又唔畀牌,唯獨唔急又畀牌,都唔知點搞?唔明諗緊乜?」

 

都市網推薦新聞